Saturday, 4 June 2011

Well Mr.President …I have a Question for you!.

SOBAB NAK TOBUIH KESILAPAN SEMALAM (SALAH POSTING) TERIMOLAA INI SEBAGAI SATU CARO DEN  MEMOHON  KEMAAFAN ..HAHAHAHA...

Selamo setahun lobeh sikit (sebulan) Den berado di USMC Staff Collage, Den banyak belaja pasal keronah dan peranghnai orang luar. Den jugak banyak mengetahui pasal latar belakang corak pemerintahan dan jugo kehidupan sosial mereko. Nak-nak geng pak Arab dari Saudi Arabia, Jordan, Mesir, Morroco dan kawasan yang sewaktu dongannyo. Den jugo ado bergaul dongan puak Israel dan beberapo negaro eropa yang lain. Pendek kato semaso di sano memang banyak mengajar Den pasal kehidupan didunio. Satu yang Den selalu perhatikan antaro pelajar-pelajar luar negaro ini ,adolah masing-masing suko membanggo-banggokan negaro masing-masing dan perkaro ini termasok dongan Den sekali laa. Bilo kami bersembang ado ajo yang nak menogakan kemogahan negaro masing-masing.


Ado sekali tu selopeh persombahan “country brief “ Den…Pegawai dari Taiwan, kato, “Den..in few months Malaysian’s Twin Tower  will not be known as the highest building in the World anymore, because that title will goes to ”. Taipei, 101 Tower in  Taiwan.” Dengan banggonyo kato Major Gary. Lopeh to kawan Den dari UAE menyampok ..” Hello Bro…in a few years to come, Taipei 101 building rank as the world highest building will be passed to Burj Khalifa Tower in Dubai UAE.my country “..Kato tok arab tu dongan sineh..” and by that time the whole world will know how advanced are our country  compared to the orther muslim world..” tambah pegawai UAE dongan mogahnyo. Maso tu Den pun tak mahu kalah jugo…”..Well gentlemen both of you are rite…but..whatever it is…pliz remember that , DESPITE LOSING THE TITLE OF HAVING THE WORLD TALLEST BUILDING, MALAYSIA STILL HOLD THE WORLD RECORD IN TERMS OF THE HIGHEST TWIN TOWER BUILDING IN THE WORLD !”.kato Den dongan lobeh mogah.

Satu lagi ilmu yang Den dapek selamo setahun lobeh bergaul dongan geng US Marines nie.. sistem pembelajaran yang diamalkan  adalah sangat leberal dan tidak terlalu mengongkong. Tetapi walaupun Kebebasan bersuaro yang memang selalu diwar-warkan di dalam sistem sosial mereko,  ia sebenarnyo tidaklah sebebas mano.  Den ghaso ramai orang Malaysia dah termakan dengan konsep kebebasan bersuaro yang sering di laung- laungkan oleh Amerika. Memang benar dio orang boleh kritik, kutuk dan sebagainyo pemimpin mereko, tapi jangan salah sangko lopeh tu adolah FBI, CIA akan ikut. Lopeh tu mungkin kito tak kono tindakan dari sogi undang-undang tapi hidup kito pun tak akan sonang dongan gangguan puak geng sulit mereko. Susah –susah dio orang akan guno caro lain nak perkono kito. Den nak tanyo adokah ini dikatokan kito bebas bersuaro…bilo kito sobut ajo pasal mujahidden, pasal sucide bomber, kojap lagi adolah yang ikut kito.

Den  suko mengambil kesompektan diatas konsep kebebasan bersuaro yan gdiwar-warkan oleh puak Amerika ini.  Ado satu peringkat tu, kami semuo di beri tugasan untuk membuat write up berkaitan dongan  “modern military genius.” Biasonyo individu-individu yang dipilih adalah terdiri dari general-general dan ahli strategik ketenteraan yang kebanyakkannyo adalah orang putih , seperti Churchill, Mac Arthur, Pershing, Mogotomery. Napoleon  dan sebagainyo.  Sobab puak Amerika ini selalu banggokan sangat dongan konsep “Feedom of speech “mereko, mako Den gunokan kesompektan ini  untuk kato apo jugo perkaro yang terbuku di dalam hati Den selamo ini tontang mereko. 

Setolah berfikir panjang, Den  pilih OSAMA BIN LADEN (SUMPAH POTONG AYAM, ADO LAGI ARTIKEL TU DEN SIMPAN) sebagai idola Den “modern ,military genius”. Tindakan Den itu telah mendapat tontangan hebat dari Maj Hillmemberg ,Pegawai Sponsor Den. Dia kato perkaro tu terlalu sensitf dan mungkin akan menimbulkan kemarahan kepada kebanyakan pegawai marines yang lain. Tetapi Den berkoreh jugak Den kato.” I thougth this nation pratice a full aspiration of  “FREEDOM OF SPEECH” as enshirened and protected in The First Amendment (Amendment I) to the United States Constitution which is part of the Bill of Rights.”..Since in Malaysia we does not enjoyed the so call free speech as you all preached, I migth as well exercise in here…in  America..the land of the freedom”…kato Den.

Pekaro tu telah di adukan oleh Hillmemberg kepada Directing Staff (DS) Den. Mungkin pasal malu laah , mungkin pasal serba salah atau ,mungkin pasal memang konsep freedom of speech and expression memang benar-benar diamalkan, maka DS Den memberi green ligth untuk Den menulis essay tu. Sebenonarnya kawan-kawan Den dari Indon dan tok Arab ado jugak yang nasihat Den agar jangan cari pasal dengan menulis artikel tersebut. Dio orang tak kona Den,,Den kalau bondo-bondo macam nie memang Den suko,.Tabiat Den suko lawan “authority” kalau Den ghaso Den bonar dan satu lagi sobab Den suko ‘bondo-bondo yang challanging. Ateh sobab tu laa Den tak “maju “ dalam askar. Dan maso Den belaja kat UiTm Shah Alam dulu, Den poNah “ berdebat” dongan lecture Den, Pn Sri Jenab, pasal isu Anwar kono pocat..”..Dio penyokong anwar, itu Den tak kesah, tapi bilo dio kato..Mahathir salah dan tak tahu undang-undang..Den marah lalu Den argue dongan dio.Bilo keluar result Den dapek F subjek Constituional Law .Ia merupokan satu perkaro yang mustahil bagi Den kerano ‘carry mark Den adolah 35/40 dan maso final exam Den memang kofident akan score. Bila keluar result Den tak merayu, Den carry subject tu dan Den ambik dengan lecture lain, dan Den dapek A .  Den photostate result tu dan Den  remarks…GOD IS GREAT ! kemudian masukkan kek dalam mail box Pn Sri Jenab. Sojak hari tu bilo Den berselisih dongan Jenab, Den akan sonyum dan dia tak berani pandang muko Den..mungmkin pasal dio tahu Den komando, dan takut Den terghokam dio..hahahhaa

Berbalik pasal ,  kes militray genius tadi, maso Den present paper tu, biasola, memang banyak soalan dan kritikan dari pegawai marines. Tapi dio orang silap, setiap pertanyoaan Den jawab semulo dengan persoalan kepada mereko. Sampai satu peringkat Den kato, You know why I consider that Osama is one of the modern military genius .?  Semonyo terpaku seolah-olahmenanti jawapan dari Den. Den kato “..It is because the American militry geniues and the whole world  military geniues have been grouped to locate, track and try to captured him, but they all still failed to catch him…isn’t him we consider as a genius at least in this sense.  No Respon From Them.  Yang Den tak percayonyo , Den dapek A- untuk paper tu….fuuhhh kalau kek Malaysia jangan haraplah staff college student boleh sonang-soang dapek A, kalau dapek C+ pun dah syukor…

Semasa Den disano (USMC) Den selalu timbulkan masalah kepado geng-geng marines nie. Kalau ado yang Den ghaso boleh tembak ko, kutuk ko, persoalkan ko..apo-apo isu berkaitan dengan Amerika Den akan buek. Setiap kali ado guest lecture dari luar, DS Den selalu akan duduk bersamo Den. Bukan apo dio biasonya akan tapeh dulu soalan-soalan Den kepada guest lecturer .Dio orang yang sering menpropangandakan kebebasan bersuaro, sendiri ado masonyo tak berani bersuaro jugo ateh sobab etiqquette laa, security laaa , sensitivelaa dan sebagainyo. Jangan salah sangko pulak Den buek macam tu sobab yang pertamonya Den ghaso maso macam ginilah sodap kito nak menunjukkan bahwa puak-puak melayu kek Malaysia ini, dan askar Malaysia khasnyo bukan lah lekeh dan “mempunyai pemikiran “third word”…Dan yang keduonya, sebagai  international student , Den ado sedikit protection diplomatic. Hahaahhaa..mako Den gunokan kesompektan dan peluang nie seponohnyo.

Kemuncak kemogahan Den gunokan kebebasan bersuaro nie adalah semaso satu symposiyom anjuran Naval Institute bertajuk : Operation Combating Terrorism di Washinton. Dalam sessi soal jawab (klik disini : Maso 01:48:21 -01:57:29) Den dah tanyo soalan berikut[lobih kurang laa] : “As u all know since the US Government declared Global War on Terrorism (GWOT), it has gained support from many countries all over the world, However subsequently after that, the Us conducted Operation Iraqi Freedom and which is still going on, My question is, Don’t you think that the  operation has caused significant effect in American effort in figthing terrorism ? .

Respond mulo-mulo dari salah seorang Pak Jenderal itu adaloh…” HIS QUESTION, CERTAINLY POSE SHOULD BE TO [the] DO PRESIDENT, ( transcript tu diambil terus dari suara yang terkeluar dan tidak diedit, itu sebabnya, dlm transkrip Den  “MY NAME -- I AM AN OLD STUDENT, ATTENDING QUANTICO RIGHT NOW. AS YOU ALL KNOW, IMMEDIATELY AFTER SEPTEMBER 11 INCIDENT ..tak betul texts nya sebab suaro Den mungkin tak joleh maso tu .] Yang buek Den banggo lopeh majlis tu ado ghamai mat salleh mano tah jumpo Den dan cakap bagus, tahniah, dan sebagainya, ado tu kato : "sometimew need outsiders to tell the american about that .. Pada dasarnyo soalan tu Den dah tahu jawapannyo, cumo Den bori soalan tu kepada semuo kepalo-kepalo jenderal US yang ado kek situ (Chief of Marines, Army, Air Force, Cost Guard dan Chief of Staff) sajo nak tengok reaksi dio orang dan satu lagi sobab Den nak bagi tahu kek sumo yg hadir bahawa Den, askar malaysia turut ado kek situ..satu lagi sobab Den student, bilo bertanyo didalam satu-satu seminar atau lecture biasnyo dapek  “point”..hahahahhaaaa..

Selopeh dari tu Den jadi agak ‘masyur” dan popular dikalangan pelajar-pelajar Staff College kerano potang tu muko Den masok C-SPAN., TV politik amerika, esoknyo masuk surat khabar…hahhaa…golak bosa Den..budak kampong masok TV Amerika dan tanyo soalan kepado pak-pak Jenderal amerikan yang tak berani menjawab secara torus sebalik nyo  di o katoi “…You Should Pose the Question To MR. President !”…Nasib baik si Bush tak ado maso tu, kalau tidak memang Den akan kato “…Well Mr.President …I have a Question for  you!. Dan lopeh tu Den akan tembak dio dongan pelbagai soalan..bushhbush !..bush..!