Saturday, 16 April 2011

Siri 4 : Bermulo Kehidupan Sebagai anggota “The Ggreen Jacko”

…Pagi kiro-kiro jam 7:30 lopeh minum pagi, Den  dan Asri dah bersiapx nak ke Pejabat Markas, nak jumpo ejutan, untuk melapor.  Tompek Den tinggal dan Markas  Rejimen agak jauh jugo kalau kiro dgn jalan kaki..kalau tak  silap Den doket-doket 1km jugolaa.  Bagi orang baru macam Den  nie jgn harap nak dapek kenderaan untuk ko pejabat. Kami pon mulo lahh..berjalan kaki, lopeh tu bilo masok ajo kat jalan utamo kami mulo berlari anak. Maso berlari to, tangan kanan Den dok pegang tongkat dan tangan yg sobolah lagi dok menjenjeng bag macam brief case. Maklumlaa ari pertamo nak kojo..konola bergayo dengan beg ala-ala Jebon tu. Terhuyung hayang  kami berlari …..badan dah abih berpoloh dah..uniform yg kami pakai maso tu toba lak…abih  basah dek poloh Den…

Kiro-kiro sepuloh minit  kemudian, kami sampai kat Markas …Den  torus bertanyo kat RP yang jago kat pintu masok markas tu, mano pejabat Ajutan.  Sampai kat pintu pejabat adjutant , Den hontak kaki, kotok pintu dan bagi sedas tabik dan minta kobonaran masok. Masok ajo pejabat, Den dan Asri berdiri togak dan terus melaporkan diri. “ Selamat pagi Tuan, saya…..blla..bla..dan bla bls…melapor ke unit Tuan “.. Adjutan tibo-tibo datang doket Den…kelekuk !…dio .luku kopalo Den sedas…Maso tu Den memang konfius, tak tahu apo sobabnyo….ghaso nak golak pun ado jugo…entahlah…Den ghaso lucu gak..sobob kono luku tu…Maso tu den ingek..budaya luku meluku nie memang budaya komando ini . tetibo Adjutant kato kat Den , “Siapa ajar kamu melapor macam tu ?......Ehhhh apo yg salah laie nie…ghaso Den caro Den tu dah boto…Den ghaso Adjutan nie sajo nak konokan kami ajo.  Lopeh tu Den dongar Adjutan suruh lapor semulo….kali ini disuroh si Asri yg buek. Asri pun lapor dan buek samo macam Den lapor tadi….Kelekuk!….kali  ini giliran si Asri lak kono luku…Den pun sonyum, dan pueh Den nak kawal supaya Den tak golak….lopeh tu baru Adjutan kato….mana perginya perkataan Komando tu….? Oiiii baru  Den ingat, padan laa RP tadi maso dio jumpo  Den kat bawah tadi kato..”KOMANDO..selamat pagi….”Padanlaa Den kono luku tadi…pasal tak sobut “KOMANDO dulu dalam ucap selamat Den”…Dari ari tu barulaa Den tahu salah satu  budayo Komando tu adalah kono ucapkan “KOMANDO…..dulu, lopeh tu baru bohgi salam atau ucapan selamat…macam “Komando ! Selamat Pagi Tuan” samo jugo kalau jawab telefon kat pejabat…
.
Dalam Den dok berdiri togak tu, tiba-tibo Den perasan ado kelibat orang kat belakang Den…Lopeh tu Den donga Adjutan kato “KOMANDO selamat pagi tuan”….Org yang belakang Den tu mesti bosa pangkatnyo, kalau tidak takkan adjutant Den hormat dio. Den donga orang tu kato “siapa dia orang ini”. (Maso tu Den ghaso dio merujuk kepado kami). Adjutant terus menjawab..” Green Jacko…yg baru melapor Tuan”.Apo ?  Den dan Asri dio orang panggil “GREEN JAKCO”…Den bilo donga perkataan GREEN , Den agak pasal kami nie baru  lagi..pasal tu  di panggil GREEN..tapi yg JACKO laa apo  maksudnyo….? Den konfuis lagi…Bilo tuan bosa tadi dah pogi…Adjutan tanyo Den….”Kamu tahu apa tu maksud “GREEN JACKO” tu ?...Kami jawab tak tahu… dan pado maso tu Den dah bersedio nak kono luku lagi….tapi kali adjutant tu tak luku lak….Adjutan kato “GREEN JACKO” adalah golaran untuk anggota komando yang tak ado pelapik laiee…maksudnyo yg tak lulus kursus asas komando lagi dan tak layak pakai GREEN BERET dan landyard biru lagi….org macam kami…laa tu…

Ado dalam 10 minit lopeh berdiri togak kat situ, Adjutan bawak kami masuk berjumpo CO kami. Lopeh bagi sedas tabik…kami diarahkan berdiri terpacak dopan CO Den..CO pun mulolaaa bagi khutubahnyo dengan panjang lebar , dari ucapan selamat datang..sampai masuk bab-bab displin,kojo dan sebaginyo. abih ajo khutubahnyo, CO tanyo kami …”Kamu ini minat ke nak menjadi anggota Komando, kalau tak minat kamu beritahu sekarang” Katonya lagi “nak jadi komando kono volunteer dan tak boleh dipakso-pakso..sobab bukan mudah nak jadi komando banyak cabarannyo…”kata CO Den. Lopeh tu dio tanyo sekali lagi…”Kamu minat tak ?”…..”MINAT TUAN !,” jawab Den dengan lantang….”TIDAK MINAT  TUAN !” …jawab Asri dengan lobeh lantang lagi…Den terkojut juga bila Asri jawab macam tu sobab dari pagi tadi tak timbul isu yang dio nak keluar dari komando…Den ghaso mungkin dio dah nekad….Lopeh tu Den disuruh keluar oleh CO dari pejabat dan tinggalla Asri sorang….Den pun tak tahu apo yang dibincangkan……yang Den  tahu maso  rehat pukol sepuloh…..Asri dah balik bilik, dan berkomeh nak dianta balik ke unit Askar Melayu kat Kelantan…tak sompek Den nak sembang apo-apo dengan dia….Sampai hari ini, Den tak ponah jumpo lagi si Asri ini….

Dalam pada tu, Den dah diarahkan oleh Adjutan Den, untuk melapor kat OC…X-RAY squadron….lambang squadron ini adalah tenggorak kopalo orang dan ado dua tulang yg disusun bersilang macam huruf X……congankatonya…..”MEMBUNOH TERUS MEMBUNOH” . Kat Bendera Sqn  ado gambar tengkorak tu dengan tulang  bersilang, dan maso tu Den  ingek ado 17 bintang hitam kat bendera tu…setiap bintang itu mewakili satu kominih yang dah dibunoh oleh anggota squadron X RAY….Kalau nak dibandingkan dongan sqn-sqn tompo yang  lain., kiro-kironyo Sqn X-RAY ini lah yang paling berjayo.  Memamg patut pon, sobab, Den tengok,,,,angota-anggota nyo semuonyo ganeh-ganeh,,,cumo Den ajo yg  tak   ganeh …itu pun sobab Den baru ajo masok sqn tu…nampaaknyo lopeh nie matilaa Den kono bunoh……!!!!


Dari itu bermulolah hari pertamo Den berkojo kat unit komando….dan status sebagai GREEN JACKO” bermulolaa hidup  yang ponoh dongan kesensaroan dan dugaan sebagai anggota GREEN  JACKO….dan lobeh menyodihkan lagi Den  kesaorangan yang menanggungnyo…!!! Den nangih pon tak ado orang yang nak donga…….!
ado laie….Sambongannyo